ஒரு அணி குறைந்தபட்சம் 3 உறுப்பினர்களையும் அதிகபட்சம் 4 உறுப்பினர்களையும் கொண்டிருக்கலாம்.

விண்ணப்ப முடிவுத் திகதியின் போது அணியின் அனைத்து உறுப்பினர்களும் 29 வயதுக்கு மேற்பட்டவர்களாக இருத்தல் கூடாது.

ஒவ்வொரு அணியும் குறைந்தபட்சம் ஒரு பெண் உறுப்பினரையாவது உள்ளடக்கியிருக்க வேண்டும்.

பன்முகத்தன்மையை ஊக்குவிப்பதற்கு, தேர்வுக்கான செயல்முறையின் போது இயலாமை மற்றும் / அல்லது இனப் பன்முகத்தன்மை மற்றும் பால்நிலை சார்ந்த சமத்துவமான பிரதிநிதித்துவத்தை மையப்படுத்திய இளம் வயதினருடன் கூடிய அணிகளுக்கு முன்னுரிமை வழங்கப்படும்.

தவிர்க்க முடியாத சூழ்நிலைகள் தவிர, தெரிவுசெய்யப்பட்டுள்ள அணிகள் தங்களுக்கென நியமிக்கப்பட்டுள்ள நிகழ்ச்சியில் (நிகழ்நிலை மூலமாக) கலந்துகொள்ள வேண்டும்.

● நீங்கள் பரிந்துரைக்கும் தீர்வு / அணிகள் முன்வைக்கும் யோசனையை மேலும் விளக்குவதற்காக அதிகபட்சமாக 5 நிமிடங்கள் வழங்கப்படும்.

● நடுவர்களுடனான கேள்வி- பதிலுக்கு அதிகபட்சமாக 5-7 நிமிடங்கள் வழங்கப்படும்.
● இந்தக் கட்டம் ஒரு மூலப்படிமத்தை (prototype) வழங்குவதற்காக அல்ல

● கேட்டறிதலுக்காக ஒரு ppt/ மற்றுமொரு விளக்கக்காட்சியை செய்யுமாறு அணிகள் எதிர்பார்க்கப்படவில்லை (வாய்மொழி சார்ந்த விளக்கமளித்தல் மட்டுமே).

● யோசனைகளைக் கேட்டறியும் போது பெற்றுக்கொள்ளப்படும் புள்ளிகளைத் தொடர்ந்து, சமூகப் புத்தாக்க முகாம்களுக்குப் பங்கேற்கவென தெரிவுசெய்யப்பட்டுள்ள அணிகள் மேலும் வகைப்படுத்தப்பட்டு, தெரிவுசெய்யப்படும்.

தவிர்க்க முடியாத சூழ்நிலைகளைத் தவிர, சமூகப் புத்தாக்க முகாம்களில் பங்கேற்பது தெரிவுசெய்யப்பட்டுள்ள அணிகளுக்கு கட்டாயமானதாகும்.

●தெரிவுசெய்யப்பட்டுள்ள அணிகள், அடிப்படைக் கட்டமைப்பை வடிவமைத்து, அதனை உருவாக்குவதற்கான ஆரம்பத்தை மேற்கொள்ளலாம் என்பதுடன் தெரிவுக்கான அறிவிப்பு வெளியிடப்பட்ட தினத்திலிருந்து செயற்றிட்டத்திற்குத் தேவையான ஆய்வுகளை மேற்கொள்ளலாம். ஆனால், ஏற்கனவே நிறைவுசெய்யப்பட்ட உற்பத்தி/ சேவைகளை போட்டிக்குக் கொண்டுவர அனுமதிக்கப்பட மாட்டாது.

● சமூகப் புத்தாக்க முகாம்களின் முடிவில் அனைத்து அணிகளும் தமது தீர்வுகளை முன்வைத்து, அவற்றை வழங்க முடியுமாக இருக்க வேண்டும்.

● அணிகள், தாம் விரும்பக்கூடிய தொழில்நுட்பம், தளம் மற்றும் கருவிகளைப் பயன்படுத்த முடியும்.

● சமூகப் புத்தாக்க முகாம், ஐந்தரை நாட்கள் வதிவிட வசதியுடன் கூடிய, அனைத்துச் செலவினங்களும் செலுத்தப்பட்ட ஒரு பயிற்சி அனுபவமாகும்.

● சமூகப் புத்தாக்க முகாமிற்கு அதிகபட்சம் 20 அணிகள் தெரிவுசெய்யப்படும். (ஒரே ஒரு சமூகப் புத்தாக்க முகாமே நடத்தப்படும்)
உரிமம்

● உருவாக்கப்படும் கருத்துக்கள் மற்றும் தீர்வுகள் அந்தந்த அணிகளுக்குத் சொந்தமானவையாகவே இருக்கும்

பின்வரும் தேர்வு அளவுகோல்களை அடிப்படையாகக் கொண்டு அணிகள் மதிப்பிடப்படும்.

● தீர்வு, பொருத்தமான பிரச்சினைக்குத் தொடர்புடையதாக இருத்தல் வேண்டும்.
● படைப்பாற்றல் மற்றும் மட்டில்லாத பரந்த சிந்தனை

● விரிவாக்குதல் மற்றும் அமுல்படுத்தலுக்கான எளிய மற்றும் சாத்தியமான தன்மை

● கூட்டு முயற்சி மற்றும் அர்ப்பணிப்பு

● தாக்கம்

● வடிவமைப்பு
மேலே வழங்கப்பட்டுள்ள அளவுகோலின் படி, சமர்ப்பிக்கப்பட்டவைகளை மதிப்பாய்வு செய்யக்கூடிய ஒரு பல-பங்குதாரர் பரிசோதனைக் குழாத்தினால் ஒவ்வொரு கட்டத்திற்கும் அணிகள் தெரிவுசெய்யப்படும். பரிசோதனைக் குழாம் மற்றும் நடுவர் குழாமினால் மேற்கொள்ளப்படும் தீர்மானங்களே இறுதியானவை.