අවම වශයෙන් සාමාජිකයින් 3 දෙනෙකු සහ උපරිම සාමාජිකයින් 4 දෙනෙකු කණ්ඩායමක සිටිය හැක.
සියලුම කණ්ඩායම් සාමාජිකයින් අයදුම්පත් භාරගන්නා අවසන් දිනයේ වයස අවුරුදු 29 නොඉක්මවිය යුතුය.
කණ්ඩායමක අවම වශයෙන් එක් කාන්තා සාමාජිකාවකගෙන් හෝ සමන්විත විය යුතුය.

විවිධත්වය දිරිමත් කිරීම සඳහා, තේරීම් ක්‍රියාවලිය තුළ ආබාධිත තරුණ තරුණියන් සිටින සහ/හෝ ජනවාර්ගික විවිධත්වය හා ස්ත්‍රී පුරුෂ සමබරතාවක් සහිත කණ්ඩායම්වලට විශේෂ අවධානයක් යොමු කෙරෙනු ඇත.

නොවැළැක්විය හැකි හේතූන් මත හැර තෝරාගත් කණ්ඩායම් ඔවුන්ට අදාළ වැඩසටහනට (මාර්ගගතව) සහභාගී විය යුතුය.

ඔබ යෝජනා කරන විසඳුම සමඟ ඔවුන් අයදුම් කර ඇති අදහස තවදුරටත් පැහැදිලි කිරීමට කණ්ඩායම්වලට උපරිම මිනිත්තු 5ක් ලැබේ.

විනිසුරුවන් සමඟ උපරිම විනාඩි 5-7 ප්‍රශ්නෝත්තර කාලයක් ලැබේ.

මෙම අදියර මූලාකෘතියක් (prototype) ඉදිරිපත් කිරීමට නොවේ.

කණ්ඩායම් පරීක්ෂණය සඳහා Powerpoint/ වෙනත් ඉදිරිපත් කිරීමක් සිදු කිරීම අපේක්ෂා නොකෙරේ. (වාචික පැහැදිලි කිරීම පමණි)
අදහස් පරීක්ෂණයේදී ලබාගත් ලකුණු අනුව සමාජ නවෝත්පාදන කඳවුරු සඳහා කණ්ඩායම් තවදුරටත් තෝරාගනු ලැබේ.

නොවැළැක්විය හැකි අවස්ථාවක හැර තෝරාගත් කණ්ඩායම් සමාජ නවෝත්පාදන කඳවුරුවලට සහභාගී වීම අනිවාර්ය වේ.

තෝරාගත් කණ්ඩායම්වලට මූලික ව්‍යුහය සැලසුම් කිරීම සහ නිර්මාණය කිරීම ආරම්භ කළ හැකි අතර තෝරා ගැනීම නිවේදනය කළ දිනයේ සිට ව්‍යාපෘතිය පිළිබඳ අවශ්‍ය පර්යේෂණ සිදු කළ හැකි නමුත් සම්පූර්ණ කරන ලද ව්‍යූහයක් තරඟයට ගෙන ඒමට ඉඩ නොලැබේ.

සියලුම කණ්ඩායම් සමාජ නවෝත්පාදන කඳවුරු අවසානයේ ඔවුන්ගේ විසදුම් ආදර්ශනය කිරීම සහ ඉදිරිපත් කිරීමට අවශ්‍ය වේ.

කණ්ඩායම්වලට ඔවුන් කැමති ඕනෑම තාක්ෂණයක්, වේදිකාවක් සහ මෙවලම් භාවිතා කිරීමට නිදහස ඇත.

සමාජ නවෝත්පාදන කඳවුර දින පහ-හමාරක නේවාසික පහසුකම් සහිත සියලු වියදම් සංවිධායකයන් විසින් දරනු ලබන අදියරකි.

සමාජ නවෝත්පාදන කඳවුර සඳහා උපරිම වශයෙන් කණ්ඩායම් 20ක් තෝරා ගනු ලැබේ. (සමාජ නවෝත්පාදන කඳවුරු එකක් පමණක් පැවැත්වෙනු ඇත.)

ඉදිරිපත් කරන ලද අදහස් සහ විසඳුම් පිළිබඳ අයිතිය ඒ ඒ කණ්ඩායම් සතු වේ